Հայաստանի Սրբոց Մարտիրոսաց խաչերու օծումը` 20 նոյեմբերին։

(Ռ.Վ. 17 նոյեմբեր 2014) Յառաջիկայ 20 նոյեմբեր 2014-ի ժամը 12-ին, տեղի կ՛ունենայ Հայաստանի Գիւմրիի Սրբոց Նահատակաց նորակառոյց Եկեղեցւոյ խաչերու օծման արարողութիւնը զոր պիտի նախագահէ Հայաստանի, Վրաստանի, Ռուսաստանի և Արևելեան Եւրոպայի հայ կաթողիկէներու առաջնորդ` Արհ. Տ. Ռաֆայէլ Արքեպս. Մինասեանը մասնակցութեամբ կղերական դասին եւ հաւատացեալ ժողովուրդին։ Սրբազան արարողութեան հրաւիրուած են նաեւ Ս. Էջմիածնի սրբազան հայրերը ու Հայաստանի պետական իշխանութիւնները։
Յայտնենք որ վերոյիշեալ եկեղեցւոյ շինարարական աշխատանքները կ՛աւարտին 2014-ի դեկտեմբեր ամսոյն ընթացքին։ Մինչ եկեղեցւոյ օծումը նախատեսուած է 2015 թուականին, հայոց ցեղասպանութեան 100-րդ տարելիցին առիթով։